Ledig stilling

Norsk institutt for bunad og folkedrakt (NBF) er eit nasjonalt kompetansesenter som arbeider med dokumentasjon, forsking og formidling av den norske bunad- og folkedrakttradisjonen. NBF er organisert ved Valdresmusea og ligg på Fagernes i Valdres. NBF har eit fagråd, Bunad- og folkedraktrådet, som er oppnemnt av Kulturdepartementet.

På grunnlag av feltarbeid frå heile landet har NBF eit omfattande arkiv av draktregistreringar, foto, snittmønster og nedteikningar av tradisjonsmateriale frå ulike distrikt. NBF gjev råd om bunadbruk og påkledning, saumteknikkar og bunadtilverking. 

Ledig stilling: Tekstilhandverkar

Norsk institutt for bunad og folkedrakt har ledig fast stilling som tekstilhandverkar i 100 % frå 1. mars  2027.

Arbeidsområde

Stillinga har som oppgåve å være rådgjevar for bunadtilverkarar, studentar og andre, innan drakthistoriske emne, rekonstruksjon og praktisk bunadtilverking. Arbeidet omfattar dessutan praktisk og teoretisk undervisning på både vidaregåande og høgare nivå. Det er venta at vedkommande kan arbeide med analyse, registrering og måltaking av plagg, både på feltarbeid og på instituttet. I tillegg skal vedkommande ha oppsyn med mønsterarkiv og stoffprøvearkiv, og forvalte tilveksten til desse gjennom utstrekt kontakt med leverandørar.

NBF sitt arkiv består mellom anna av 86 000 registreringar av plagg frå alle delar av landet. Desse blir i dag forvalta i Primus, som er musea sitt digitale verktøy for samlingsforvaltning. For å kunne utøve stillinga er det avgjerande å kunne arbeide i Primus, eventuelt etter opplæring.

I tillegg til desse oppgåvene, er det forventa at vedkommande deltek i eksterne samarbeid og ulike formidlingsopplegg.

Kvalifikasjonar

Stillinga opnar for søkjarar med ulike og samansette kvalifikasjonar, på eit relativt smalt felt. Vi ser mellom anna etter:

• ·         Relevant erfaring eller yrkesfagleg utdanning innan bunadtilvirking, vev, kostyme og /eller drakthistorie. Kunnskap om og erfaring med tradisjonelle handverksteknikkar er avgjerande.
• ·         Høgare utdanning innan kulturhistorie, drakthistorie eller tekstile handverksfag er eit ekstra pluss.
• ·         Erfaring med bruk av data og digital fotobehandling er ynskjeleg, og gjerne kjennskap til registreringsverktøyet Primus.

Eigenskapar

• ·         Gode evner til praktisk undervisning og rettleiing.
• ·         Evne til presentasjon og formidling i forsamlingar, møte og konferansar, i  Noreg og i utlandet.
• ·         Må kunne delta på 3—6 veker med feltarbeid gjennom året, ofte med lange arbeidsdagar.
• ·         Gode samarbeidsevner og gjennomføringskraft.
• ·         God munnleg og skriftleg framstillingsevne.

Vi tilbyr

•  ·         Anledning til fagleg og personleg utvikling
• ·         Spennande og varierte arbeidsoppgåver
• ·         Fleksibel arbeidstid
• ·         Godt arbeidsmiljø
• ·         Medlemskap i pensjonsordningane i KLP
• ·         Lønnes som førstekonsulent, stillingskode 1408, etter «Landsoverenskomsten for museer og andre kulturinstitusjoner» etter kvalifikasjoner og erfaring. 

Søknadsfrist: 18. november 2026

Søknad og CV sendast på e-post til:

Camilla Rossing

Leiar

Norsk Institutt for Bunad og Folkedrakt

E-post: camilla.rossing@bunadogfolkedrakt.no

Tlf 61 36 62 53 / 920 23 916